Rama: Kancelarja Merkel i kupton përpjekjet tona në rrugën drejt një demokracie europiane

Kryeministri Edi Rama, gjatë konferencës së përbashkët me kancelaren Angela Merkel, deklaroi se kryetarja e qeverisë gjermane e kupton vështirësinë dhe përpjekjen e Shqipërisë “në rrugën drejt një demokracie europiane”.

“Kancelarja Merkel tregon vëmendje dhe kuptim të rëndësisë së rajonit tonë mbi çështje gjeopolitike. Ka rëndësi që kancelarja i kupton përpjekjet dhe vështirësitë tona në rrugën drejt një demokracie europiane”, tha Rama.

Kreu i qeverisë sonë e falenderoi kancelaren Merkel në emër të të gjithë shqiptarëve për mbështetjen që ajo i ka dhënë vendit në aspiratën për integrimin në BE.