Veliaj: Subjektet, 1 javë kohë për lirimin e hapësirave publike
Lokalet që kanë nxjerrë tavolinat në trotuar apo në rrugë, ata që kanë zënë vendparkim me blloqe betoni apo vazo lulesh, si dhe hapësira pranë stadiumit “Dinamo”, e cila është zënë me makina për shitje kanë afat deri në fund të javës tjetër.
Kryetari i Bashkisë, Erion Veliaj deklaroi të enjten se lirimi i hapësirave publike do të nisë nga njësia numër 5, ku dhe prezantoi administratoren Violeta Kile.
Veliaj vizitoi edhe kopshtin numër 42, ngjitur me njësinë 5, për të parë nëse është gati për të pritur vogëlushët në shtator. Ndërkohë, i pyetur nëse do të mbajë premtimin për banesat sociale, ai tha se po verifikohen listat.
Kryetari i Bashkisë së kryeqytetit premtoi edhe fillimin e dhënies së kredive të buta, por kjo do të ndodhë në një kohë të mëvonshme, pasi buxheti i bashkisë në këto momente nuk premton për pagesat e inetresave të kredive të buta.
