PD: Rama, 22 ditë heshtje
“Edi Rama ka 22 ditë që hesht, duke manifestuar me kryeneçësi se përgjegjshmëria dhe llogaridhënia nuk janë aspak tiparet e tij”, u shpreh sot deputeti i Partisë Demokratike, Gerti Bogdani, në një deklaratë për mediat.
Bogdani vijoi duke thënë se 22 ditë më parë Rama vuri në skenë goditjen fizike dhe kërcënimin me jetë të deputetit të Partisë Demokratike. “Pas këtij akti banditesk që detyroi opozitën të braktisë parlamentin, për të shmangur kurthin e gjakderdhjes, Edi Rama nuk tha asnjë fjalë. Nuk tha asnjë fjalë kur botërisht u vërtetua se instrumenti i tij i dhunës, është përfaqësues i botës së krimit. Dokumentat e bera publike nga Partia Demokratike, provuan se Arben Ndoka, është dënuar për trafik prostitucioni dhe rrrëmbim personi”, tha Bogdani.
