Koreja e Veriut “Offline”

Koreja e Veriut në mënyrë misterioze është sot pa qasje në internet, raportojnë agjencitë e lajmeve.

Shteti i mbyllur, i cili është akuzuar se ka bërë një skandal interferimi ndaj kompanisë Sony të premten e kaluar, kishte përjetuar probleme të njëpasnjëshme gjatë ditës së djeshme ndërsa sot është në errësirë totale të qasjes.

Të premten, Presidenti i Shteteve të Bashkuara të Amerikës, Barack Obama, premtoi se qeveria e ShBA-ve do ta japë një “përgjigje proporcionale” ndaj sulmit kibernetik të dyshuar të Koresë së Veriut.

Ende nuk ka një konfirmim nëse ShBA-të qëndrojnë prapa kësaj ndaljeje të internetit.