Video e dhimbshme, vogëlushi pi gji te nëna e vdekur

Një video mjaft e dhimbshme është shpërndarë në mediat e huaja, kur shihet një fëmijë i vogël, vetëm 17 muajsh, që pi gji të nëna e tij e vdekur.

Vogëlushi qan për nënën e tij, por ajo nuk i përgjigjet. Më pas, ai afrohet te gjoksi i saj dhe pi gji.

“Ne pamë një grua të shtrirë pranë hekurudhave dhe njoftuam policinë. Por kur u afruam ne vumë re një fëmijë pranë saj duke pirë qumësht. U tronditëm dhe u trishtuam shumë kur pamë këtë moment tragjik”, tregojnë dëshmitarët.

Sipas policisë, dyshohet se gruaja është përplasur nga treni, teksa përpiqej që të kalonte shinat. Ngjarja e rëndë është regjistruar në Madhya Pradesh, në qendër të Indisë.