Basha mbledh aleatët para përgjigjes për paketën “McAllister”

Kryetari i opozitës, Lulzim Basha ka zhvilluar një takim me aleatët, krerët e partive opozitare parlamentare në selinë e PD-së.

Temë e diskutimit ka qenë mundësia e rishqyrtimit të paketës “McAllister”, e cila u refuzua disa ditë më parë nga kreu i PD-së për zgjidhjen e ngërçit politik në vend.

Ka qenë zyrtari i lartë i DASH-it ai që ka tentuar të bindë për herë të fundit Bashën për të panuar propozimin e eurodeputetit gjerman gjatë vizitës së tij në Tiranë.

Pavarësisht moskoherencës në qëndrime, qoftë maxhoranca përpara, qoftë opozita disa ditë me vonesë, kanë vlerësuar atë si një mundësi e mirë takimesh të përbashkëta mes palëve.

Mesa duket, pas takimit me Ilir Metën, i cili ka qenë gjithmonë pro kësaj pakete, Yee është takuar fillimisht me Bashën vetëm në prani të ambasadorit Lu dhe më pas atyre u janë bashkuar edhe aleatët opozitarë.

Pritet që sot Basha të japë një përgjigje pëfundimtare pas kërkesës së Yee për të pranuar paketën ‘McAllister”.