Vettingu në politikë/ Basha i kërkon Ramës ta votojë: Lëri punët e demokratëve, se nuk ka gjë që të shpëton ty
“Këtu ka një betejë mes 30 viteve llum tranzicioni dhe maja e llumi je ti, por maja nuk i takon vetëm një partie, jemi edhe ne por atë pjesë të llumit që e ke peshuar mirë e ke pasuruar, e ke përdorur, e ke hedhur kundër opozitës. Sakrifica e demokratëve në emër të shqiptarëve nuk do shkojë kot. Masakra e 25-prillit nuk do mbajë gjatë dhe trekëndëshi i Bermudës i ka ditët e numëruara, Shpëtim nga ajo që i keni hy në hak shqiptarëve nuk keni për të pas. Një pas një brinjët e trekëndëshit të Bermudës do bien, shqiptarëve do u hapet rruga e mbyllur për 30 vite.
Ndryshe nga rregulli i bejtar mos ta fillojmë nga plaku, por nga i riu, e bëj unë i pari vettingun dhe ti i dyti dhe të gjithë të tjerët në këtë sallë, nga i pari te i fundit. E ke të thjeshtë do i japësh fund këtij monologu që bën këtu ku ka shteruar edhe mundësi për të mos përsëritur të njëjtat figura letrare. Voto vettingun në politikë dhe lëri punët e demokratëve dhe nuk ka gjë që të shpëton ty për t’i dhënë fund këtij rrugëtimi me mua në krye”, tha Basha.
