Vizita në SHBA, Rama takon kryebashkiakun e Nju Jorkut, de Blasio
Kryeministri Edi Rama nisi vizitën zyrtare në Shtetet e Bashkuara të Amerikës, ku u prit nga kryebashkiaku i Nju Jorkut, Bill de Blasio, ndërsa zhvilloi një takim edhe me komunitetin shqiptar në Nju Jork.
“Kënaqësi e posaçme mikpritja e kryebashkiakut të Nju Jorkut në stacionin e parë të vizitës në SHBA. Thank you so much Mayor”, shkruan Rama në Facebook.
Rama ka shkruar në rrjetin social “Facebook” se në Nju Jork u prit nga një numër i madh shqiptarësh.
“Faleminderit çdokujt që me praninë sonte e bëri takimin me shqiptarët e Nju Jorkut kaq mbresëlënës për numrin e madh dhe energjinë pozitive”, shkruan Rama.
Kreu i qeverisë ka nisur një vizitë disa ditore në SHBA ku pritet të zhvillojë takime të rëndësishme në Departamentin e Shtetit, Kongresin dhe Senatin amerikan.
