Zgjedhjet në PDIU, votohet në Bashkinë e Elbasanit

PDIU është duke zhvilluar sot zgjedhjet edhe në Bashkinë e Elbasanit, ku 1750 anëtarë do të votojnë për kryetarin e degës mes Alketa Ipekut dhe Servo Mehmetit.

Elbasani është edhe qyteti që do të dërgojë më shumë delegatë në Kongresin e PDIU, i cili pritet të mbahet në 4 qershor.

90 delegatë nga Elbasani dhe 140 nga i gjithë qarku do të zgjidhen për në konkresin e PDIU. Në të gjithë qarkun votimet kanë nisur dhe po zhvillohen normalisht.

Ne Peqin kandidojnë Sajmir Hasalla dhe Lulzim Resuli; në Cërrik, Ervis Xhelo dhe Tonet Sulçe; në Prrenjas, Luan Karriqi dhe Sokol Koro; në Belsh, Agim Hasko dhe Besjon Tafani; në Gramsh, Aida Shuli dhe Xhevdet Dyrmyshi; dhe në Librazhd, Josif Laska dhe Ardian Koxha.