Filmi, artisti dhe futbollisti më i kërkuar për vitin 2023, sipas statistikave të Google
Barbie dhe Oppenheimer ishin filmat më të kërkuar në vitin 2023.
Futbollistët Kylian Mbappe dhe Harry Kane janë ndër futbollistët më të kërkuar, ndërsa Shakira ishte më e kërkuara në Google në muzikë.
Rezultatet bazohen në termat që kishin rritjen më të lartë në kërkim në 2023 krahasuar me vitet e mëparshme.
Ndjekësit e kinemasë thyen rekorde duke parë Barbie, për zgjimin feminist të kukullës, dhe Oppenheimer, për zhvillimin e bombës atomike. Filmat morën 30 milionë paund në fundjavën e tyre të hapjes, e cila ishte shifra më e mirë për industrinë që nga viti 2019.
Ndërkohë, Shakira ishte në lajme dy herë në vitin 2023, fillimisht duke në janar për këngën e saj për ish-partnerin Gerard Pique, e cila theu rekordet e YouTube në Amerikën Latine. Më pas, ajo u gjend në qendër të vëmendjes gjatë gjysmës së dytë të vitit, pasi u akuzua për mashtrim tatimor në Spanjë – të cilën e pagoi për 7.5 milionë euro, ndërkohë që mohoi çdo akuzë.
Interesi i konsiderueshëm për Barbie dhe Oppenheimer rezultoi në krijimin e një fjale të re – Barbenheimer – për të kapur sa njerëz po flisnin për to në të njëjtën kohë. Të dy filmat tani janë në krye të nominimeve për Golden Globe.
Çuditërisht, shumë nga kërkimet e bëra në vitin 2023 kërkonin informacione për ata që vdiqën.
Ylli i “Friends”, Matthew Perry, i cili vdiq në tetor, në moshën 54-vjeçare, mblodhi shumicën e kërkimeve globalisht në këtë kategori.
Tina Turner, Sinead O’Connor dhe Paul O’Grady ishin gjithashtu subjekt i shumë kërkimeve, siç ishte ylli i S Club 7, Paul Cattermole, i cili vdiq disa javë pasi grupi njoftoi një turne rikthimi.
Ndërkohë, Smash Mouth ishte akti muzikor i katërt më i kërkuar në botë në vitin 2023, pasi këngëtari Steve Harwell vdiq në moshën 56-vjeçare në shtator. Grupi është më i njohur për hitin e tyre All Star i cili, ndër të tjera, u shfaq në filmat e vitit 1999 Mystery Men dhe Inspector Gadget, dhe shërbeu si muzika e titullit të klasikut kult Shrek të vitit 2001.
Futbollisti francez Kylian Mbappe – i konsideruar si një nga më të mirët në botë – ishte një nga sportistët më të kërkuar për vitin 2023, ndërsa anglezi Harry Kane gjithashtu hyri në listë pas transferimit të tij të profilit të lartë prej 86.4 milion £ në Bayern Munich në gusht.
Kane ka pasur një sezon fantastik deri më tani në Gjermani, pasi ka shënuar 18 herë në vetëm 13 ndeshje në ligë për Bayernin.
Por sportisti më i kërkuari është një emër që mund të mos jetë i njohur për shumë njerëz – ylli i futbollit amerikan Damar Hamlin. Lojtari i Buffalo Bills u rrëzua gjatë një ndeshjeje të Ligës Kombëtare të Futbollit në janar dhe u ringjall në fushë.
Pas një periudhe të gjatë rehabilitimi, ai bëri paraqitjen e tij të parë në sezonin e rregullt për Bills në tetor, duke tërhequr interesin ndërkombëtar.
