Egjipti kritikohet nga OKB-ja për mosrespektim të të drejtave të njeriut
Egjipti u kritikua sot për bilancin e tij mbi çështjen e të Drejtave të Njeriut para Këshillit të të Drejtave të Njeriut në Gjenevë, përfaqësuesi i Kajros nga ana e tij garanton për prioritetet që i janë dhënë nga vendi i tij këtyre të drejtave.
Ibrahim El Heneidy, ministër i Drejtësisë dhe i Punëve Parlamentare, mohoi çdolloj shkelje të këtyre lirive në vendin e tij.
“T’i japësh prioritetin të Drejtave të Njeriut është në qendër të jetës politike të administratës së re. Egjipti do të repektojë detyrimet e tij ndërkombëtare”, garantoi ai.
Vendet perëndimore e kritikuan në veçanti për shkeljet ndaj lirive, mungesën e hetimit dhe ndjekje kundër përgjegjësve të shtypjes, duke kërkuar një konformitet të ligjeve me kushtetutën e re të vitit 2014, lirimin e menjëhershëm të gazetarëve dhe të të burgosurve për arsye mendimi, garanci për punën e OJQ-ve, lirinë e grumbullimit dhe manifestimit.
Një theks i veçantë është ngritur mbi dhunën seksuale kundër femrave, dënimeve me vdekje në masë dhe respektimin e të drejtave të migrantëve.
Egjipti del për herë të dytë para shqyrtimit periodik universal mbi respektimin e të Drejtave të Njeriut si gjithë vendet e tjera anëtare të OKB-së. Por, është hera e parë që prej fillimit të pranverës arabe që një vend arab i nënshtrohet këtij shqyrtimi.
