Kerry viziton sot Kosovën…nga aeroporti i Prishtinës

Sekretari amerikan i Shtetit, John Kerry do të qëndrojë këtë të mërkurë gjatë ditës në Kosovë.

Në Aeroportin ndërkombëtar të Prishtinës “Adem Jashari”, kryediplomati amerikan do të takohet me kryeministrin Isa Mustafa, si dhe zëvendëskryeministrat Hashim Thaçi e Branimir Stojanoviç.

Pas takimit, pritet që Kerry të japë një deklaratë për mediet, por nuk do të pranojë asnjë pyetje, pasi në konferencë janë ftuar vetëm kameramanë dhe jo gazetarë.

Ndalesa e Kerryt në Kosovë vjen në kuadër të turit të tij në Europë e Ballkan, që nisi me Parisin e Brukselin gjatë dy ditëve më parë, e që pas Prishtinës do të pasohet me një ndalesë në Beograd, në Nikosi të Qipros e në fund në Athinë.