Mbledhja e dy qeverive, më 3 qershor

Kryeministri i Kosovës, Isa Mustafa ka bërë të ditur të premten se mbledhja e përbashkët e qeverisë së Kosovës dhe asaj të Shqipërisë do të mbahet më 3 qershor, në ambientet e Bibliotekës Kombëtare në Prishtinë.

Për takimin e përbashkët të dy qeverive është diskutuar edhe në takimin që ambasadori shqiptar në Prishtinë, Qemal Minxhozi kishte me presidentin kosovar Hashim Thaçi.

Presidenti Thaçi tha se Kosova dhe Shqipëria duhet të thellojnë edhe më shumë bashkëpunimin.