Rama komenton lirimin e Haradinajt: Respekt për drejtësinë franceze
Kryeministri Edi Rama ka reaguar pas vendimit të Gjykatës së Francës për lirimin e liderit të AAK-së, Ramush Haradinajt.
Në një mesazh postuar në profilin e tij në Facebook, Rama e quan mbyllje të një episodi absurd, por shkruan se beteja për fshirjen e urdhër-arresteve të vjetra vazhdon.
“Mirëukthefsh në Prishtinë i dashur Ramush. Mbyllet episodi absurd por beteja për fshirjen e listës së urdhër-arresteve te vjetra vazhdon.
Momenti po ashtu, për të vlerësuar përpjekjet politike dhe diplomatike të autoriteteve në Tiranë e në Prishtinë, si edhe për të falenderuar çdo qytetar kudo ku i dha zë përpjekjes së përbashkët kundër një padrejtësie spektakolare.
Respekt për institucionet e drejtësisë franceze, që bënë drejtësi; një shembull më shumë për të çmuar vlerën jetike të drejtësisë së drejtë!”, deklaroi Rama.