Serbët e Klinës kundër Natasha Kandiqit

Serbët e komunës së Klinës përmes përfaqësuesit të tyre në Kuvendin e Komunës së Klinës, Bozhidar Sharkoviq, janë shprehur kundër që një rrugë në qytetin e Klinës të emërtohet me emrin e Natasha Kandiq, aktiviste për të drejtat e njeriut.

Në vend të saj, ata kanë propozuar që rruga të merr emrin e Nikolla Teslës, raporton Koha Ditore.

Propozimin për emërtimin e rrugës Natasha Kandiq e ka bërë ekzekutivi i Klinës, por nuk ka gjetur mbështetjen e serbëve.

“Komuniteti nuk pajtohet që rruga të ketë emrin e Natasha Kandiqit, por të Nikolla Tesla, Kandiq nuk përfaqëson asgjë për komunitetin tonë”, ka thënë në seancën e Kuvendit të Komunës së Klinës, Bozhidar Sharkoviq.

Edhe Kuvendi është pajtuar që rruga të quhet me emrin Natasha Kandiq, por në ketë rast ka respektuar komunitetin duke u pajtuar që rruga të quhet Nikolla Tesla.

Tashmë janë zyrtarizuar emrat e të gjitha rrugëve të komunës së Klinës.