Ftesa e Ramës dhe Metës, Basha mbledh aleatët

Kryetari i Partisë Demokratike, Lulzim Basha ka mbledhur në selinë e tij krerët e partive aleate për të diskutuar lidhur me ofertën e fundit të ardhur nga Qeveria.

Rama dhe Meta ftuan sot Bashën të diskutojnë për ecjen përpara të Reformës në Drejtësi dhe Reformës Zgjedhore.

Nga ana e tij, kreu i opozitës, u takua fillimisht me Edmond Spahon, Edi Palokën dhe Majlinda Bregun, të cilët do të jenë përfaqësuesit e PD-së në takimin me shefen e diplomacisë europiane, Federica Mogherini.

Më pas Basha thirri një mbledhje urgjente krerët e partive aleate, me të cilët do të diskutojë se cili do të jetë qëndrimi që do të mbajë.