Gjermania i ndan Kosovës edhe 17 milionë euro

Qeveria e Kosovës dhe Republika Federale e Gjermanisë arritën marrëveshje për bashkëpunim financiar. Nga kjo marrëveshje rrjedh që 17 milionë euro Gjermania ka ndarë grante për projekte të ndryshme në menaxhimin e ujërave dhe mbeturinave.

Ambasadorja gjermane, Angelika Viets tha se deri më tani Gjermania ka përkrahur Kosovën me mbi 500 milionë euro.

Kurse, ministri i Financave, Avdullah Hoti, e vlerësoi lartë këtë marrëveshje, duke thënë se këto grante të ndara sot nga Gjermania për Kosovën do të shfrytëzohen për projektet të cilat janë të rëndësishme për qytetarët e Kosovës, raporton kp.

Hoti ka falënderuar Gjermaninë për mbështetje financiare.