MTV ndan çmimet e përvitshme kinematografike

Eventi i përvitshëm “MTV Movie Awards” ka mbledhur bashkë figura të shquara të “showbiz”-it.

Fansat pritën me brohoritje yjet e Hollivudit Charlize Theron, Jessica Chastain dhe Chris Pratt. Po ashtu, ovacionet nuk munguan as për ekipin e modeleve të “Victoria’s Secret”: Gigi Hadid, Cara Delevigne dhe Kendall Jenner.

Ndryshe nga vitet e kaluara, shfaqja u mbajt në studiot e “Warner Bros”, në Burbank. Eventi i cili transmetohet në MTV u prezantua nga aktorët Dwayne “The Rock” Johnson dhe Kevin Hart.

Gara për çmimin e madh, atë të filmit të vitit u fitua nga “Star Wars: The Force Awakens”.