Video e re e ISIS-it, masakron 28 të krishterë nga Etiopia në Libi

Militantët e Shtetit Islamik kanë publikuar në ueb një video të re ku shfaqet ekzekutimi me armë zjarri dhe prerje koke i 28 të krishterëve nga Etiopia të rrëmbyer në Libi. Regjistrimi paraqet logon zyrtare në ISIS-it “Al-Furqan” dhe zgjat 29 minuta.

Në video shfaqet vrasja e dy grupeve të krishterë nga Etiopia. I pari kishte rënë në duart e xhihadistëve në lindje të Libisë, ndërsa i dyti në jug të vendit, por nuk është e qartë se cilët janë të rrëmbyerit.

Një militant me fytyrë të mbuluar ka bërë një deklaratë të gjatë para se imazhet të shfaqnin vrasjen e një grupi të rrëmbyer dhe ekzekutimin me prerje koke të një tjetër grupi në plazh.

Në video shfaqen imazhet  e simboleve të krishtera të shkatërruara, të kishave dhe një foto e prishur e Papa Jozef Ratzinger.