Mbyllen në kafaz hekuri fëmijë të vegjël, protesta e shëmtuar anti-ISIS, në Damask

I kanë veshur me kostume portokalli dhe i kanë mbyllur në një kafaz hekuri. Kjo është pamja më trishtuese që vjen nga Siria ku një grup të miturish janë futur në kafazin e hekurt, të njëjtë me atë ku disa ditë më parë u dogj nga ISIS, piloti jordanez. Realisht është një protestë kundra vrasjes së fëmijëve nga Bashar Assad, ku të miturve u janë dhënë banderola për protestë.

Aktivistët kanë zgjedhur këtë formë proteste kundra vrasjes së fëmijëve, por kafazi dhe veshja portokalli është cilësuar tepër e shëmtuar nga mbarë opinioni.

Fatmirësisht kjo protestë u mbajt nga aktivistët anti Assad që nuk kanë në plan vrasjen e fëmijëve. Ata protestojnë në këtë formë për të dëshmuar se vrasjet e Bashar Al Assad ndaj fëmijëve janë të njëjta me mizoritë që kanë bërë xhihadistët e ISIS.

Protesta është mbajtur në Douma, pranë Damaskut.