“Bisedë e shkëlqyer me kryeministrin Edi Rama”/ Ambasadorja Kim: Shumë mundësi, por edhe punë e vështirë në rrugën e partneritetit tonë

Ambasadorja e SHBA-së Yuri Kim njoftoi sot se ka zhvilluar një takim me kryeministrin Edi Rama.

Ambasadorja Kim shprehet në një postim se në takim ka diskutuar me kryeministrin mbi progresin e marrëdhënieve mes dy vendeve.

“Sot zhvillova një bisedë të shkëlqyer me kryeministrin Edi Rama ku rishikuam progresin e fundit në marrëdhëniet SHBA-Shqipëri dhe diskutuam mënyrat për të ecur përpara në bashkëpunimin tonë për Demokracinë, Mbrojtjen dhe Biznesin. Shumë mundësi (por edhe punë e vështirë!) në rrugën e partneritetit tonë”, shprehet Ambasadorja amerikane Yuri Kim në postimin e saj.