Spanja do të stërvisë trupat irakiane kundër ISIS-it

Spanja do të stërvisë në fund të vitit trupa irakiane për të luftuar kundër grupit Shteti Islamik (ISIS) por nuk do të ndërhyjë në Siri, njoftoi sot ministri spanjoll i Mbrojtjes gjatë një vizite në Uashington.

“Dërgimi i 300 ushtarakëve në Irak do të paraqitet këtë javë para Kongresit spanjoll”, deklaroi ministri Pedro Morenes nga Uashingtoni ku ai u takua me homologun amerikan, Chuck Hagel.

Ushtarët spanjollë do të përgatisin Irakianët për operacione speciale, për çminim dhe për mirëmbajtjen e eksplozivëve.

Por ministri spanjoll ka eleminuar çdo mundësi për pjesëmarrjen spanjolle në koalicionin ndërkombëtar në Siri.

Spanja do të lejojë ushtarët amerikanë të pëdrorin bazat e saj në Moron dhe Rota, në jug të vendit, për zhvillimin e operacioneve të tyre në veri të Irakut, shtoi Morenes.

SHBA-ja zhvilloi të shtunën dhe të premten 15 sulme ajrore kundër xhihadistëve të ISIS-it në Siri dhe 10 në Irak, njoftoi komanda ushtarake amerikane për Lindjen e Mesme dhe Azinë Qendrore