Deputetët e opozitës sot para Gjykatës

Deputetët e opozitës të arrestuar ditën e djeshme gjatë mbajtjes së seancës së Kuvendit të Kosovës po dërgohen në Pallatin e Drejtësisë, ku do të dalin para gjykatës. Ata dyshohen se kanë kryer veprat “Mbajtje në pronësi, kontroll ose posedim të paautorizuar të armëve (gaz lotsjellës) dhe “Pengim i personave zyrtarë në kryerje të detyrës zyrtare”.

Deputetët Pal Lekaj, Besa Baftiu, Donika Kadaj-Bujupi, Shqipe Pantina, Fisnik Ismaili, Enver Hoti, Teuta Haxhiu, Mytaher Haskuka dhe Rexhep Selimi dje u është caktuar masa e arrestit prej 48 orëve.

Ndërkohë, policia po pret që të arrestojë edhe Albulena Haxhiun në QKUK, ku ajo po trajtohet pas lëndimit, që pësoi gjatë përleshjeve me sigurimin e Kuvendit.