Rama: Duam të qeverisim të vetëm, jo me të tjerë në prehër

Kryeministri Rama vijon të këmbëngulë që Partia Socialiste duhet të udhëheqë e vetme, pa asnjë “në prehër” për të vijuar reformat e ndërmarra.

“Duke ndjekur fazën e fundit të punimeve për ndërtimin e Bulevardit të Ri (dhe parkingun publik nëntokësor në “barkun” e tij), një ndër projektet më të rëndësishme strategjike të Bashkisë së Tiranës, i cili do të ketë një impakt të fortë urban, ekonomik e social për kryeqytetin, – shkruan ai në një postim në “Facebook”. – Një punë e standardeve më të larta europiane dhe me shumë cilësi, që shumë shpejt do t’i japë frymëmarrje të re kryeqytetit të të gjithë shqiptarëve.

Kemi bërë shumë që kur Tiranën e rizgjuam nga gjumi. Më shumë akoma mbetet për të bërë. Po ka edhe shumë për të humbur, nëse Partia Socialiste nuk mban, pa të tjerë në prehër, timonin e reformave”.