Shqipëria përfaqësohet me ullirin e paqes në Korijen e Kombeve, në Izrael
Kryeministri Edi Rama u bë sot pjesë e projektit simbolik për paqen e kombeve, duke mbjellë në emër të Shqipërisë ullirin e paqes në Korijen e Kombeve, në Izrael.
Nëpërmjet një postimi në faqen e tij në “Facebook”, ilustruar edhe me fotografitë e ceremonisë së rastit, kreu i Qeverisë shprehu kënaqësinë që ju dha mundësia të bëhej pjesë e këtij projekti.
“Nder i veçantë mundësia për të mbjellë në emër të Shqipërisë, ullirin e paqes në Korijen e Kombeve, ku edhe vendi ynë u bashkohet plot vendeve të tjera të pranishme prej vitesh me ullirin e tyre në një hapësirë ku pllaja e zhveshur dhe vullneti i njerëzve, kanë krijuar një pyll të mrekullueshëm”, shkruan ai.
Kryeministri Edi Rama prej dy ditësh ndodhet në Izrael në kuadër të një vizite zyrtare.
