Juncker: Të ndihmojmë sa më shumë refugjatë

Parlamenti Evropian mbajti të mërkurën një seancë për çështjen e fluksit të emigrantëve, ku presidenti i Komisionit Europian, Jean-Claude Juncker tha se Europa do të mundohet të ndihmojë sa më shumë emigrantë që kërkojnë azil në vendet europiane.

Presidenti i KE-së tha se shumica e refugjatëve po largohen nga luftrat apo diktatura dhe shtoi se Bashkimi Europian ka për qëllim të ndihmojë sa më shumë prej tyre që të jetë e mundur.

Juncker do t’i propozojë një masë të rëndësishme bllokut, duke u kërkuar vendeve të Bashkimit Europian të rrisin kuotat e strehimit të refugjatëve. Sipas propozimit, 120 000 azilkërkues do të shpërndahen në vendet e BE-së.