A i ka mbetur peng Tahirit mos arrestimi i Balilit? Ja përgjigjja e ish-ministrit

Parlamenti votoi dje shkarkimin nga detyra të Saimir Tahirit si ministër i Brendshëm, por a i ka ngelur atij peng mos arrestimi i Klement Balilit?

“Nuk më ka mbetur asnjë peng. Balili në kohën që unë ushtroja detyrën nga person drejtues institucionesh shtetërore u bë person në kërkim dhe person që ka titullin mbi kokë për tu përgjigjur para drejtësisë. Kjo është arritje e madhe. Se arrestohet nesër apo pas një viti kjo është çështje e policisë. Gjatë kohës që unë bëja detyrën nuk ishte më drejtues institucioni por person në kërkim”, tha Tahiri për gazetarët pasi doli nga prokuroria e Krimeve të Rënda ku kishte shkuar për të dëshmuar lidhur me dosjen e kërcënimeve të dy profesorëve

Më 30 janar 2017  ministri i Drejtësisë Ylli Manjani u shkarkua nga detyra.

Në një konferencë për median Manjani lëshoi akuza të forta dhe ndaj ministrit të Brendshëm lidhur me çështjen e Klement Balilit, personazhit të dyshuar si kreu i një organizate të fuqishme të narkotrafikut.

Sipas tij ai duhej të ishte ndaluar që në maj kur mbërriti urdhri i arrestit ndërkombëtar.