Politika
Akuzat e Bashës, Rama: S’ka qytetar që të bëhet rrotë me zinxhir për të besuar ty
Kryeministri i vendit, Edi Rama është i përgjigjur akuzave të kreut të PD-së, Lulzim Basha, duke theksuar se qytetarët e dinë mirë reagimin që ka bërë qeveria pas tërmetit, rindërtimit, me pandeminë por edhe me përmbytjet.
Përmes një postimi në Twitter, ai thotë se të gjithë e mbajnë mend në kohën kur ishte PD familjarët braktisnin shtëpitë e tyre dhe rrugët ktheheshin në pista patinazhi për makinat e qytetarët.
“Lulëzim! Se çfarë bëra unë pas tërmetit, qytetarët e dinë. Se çfarë bëri e po bën kjo qeveri për përballimin e pandemisë edhe këtë e dinë. E mbajnë mend edhe ç’bëhej deri dje me përmbytjet kur mijëra njerëz linin shtëpitë e me dëborën kur rrugët bëheshin pista skish për makina!..Politika me fatkeqësitë është si ajo makina që ngec në rrugë se s’ka zinxhirë për rrotat në rast dëbore dhe s’ka qytetar normal, sado i pakënaqur me qeverinë, që të bëhet rrotë me zinxhir si Andi Bushati, për të të besuar ty rrugën e të ardhmes së Shqipërisë për inat të qeverisë!”, shkruan Rama.
