Avokati i Tom Doshit: Merrni pamjet e aroportit të Hanoverit, ndërhynë persona në prishjen e hetimit

Deputeti socialist Tom Doshi ishte sot sërish në Prokurorinë e Përgjithshme, për t’u njohur me dosjen e hapur ndaj tij. Doshi qëndroi në organin e akuzës për rreth 5 orë. Kësaj here deputeti i Shkodrës u njoh më konkretisht me aketet hetimore. Në përfundim, avokati i tij Vladimir Meçe tha për mediat se hetimet ndaj Doshit janë të mangëta dhe se në këtë hetim kanë ndërhyrë persona të tjerë.

“Nuk do të jetë mbyllja e hetimeve kaq shpejt sepse prokuroria duhet ti përgjigjet kërkesave tona dhe ka për të bërë shumë veprime të tjera që janë në funksion të hetimit te çëshjtes. Jemi akoma më të bindur se akuzat që i janë bërë deputetit Doshi është e padrejtë dhe ato prova e tregojnë qartë këtë bindje. Ne perserisim këtë kërkesë për të marrë pamjet filmike në Hanover sepse persona që do dalin nga ajo video kanë ndrhyrje  për të manipuluar provat”- tha Meçe.

Doshi aktualisht është në masën “detyrim paraqitje” pas vendimit të gjykatës që i hoqi masën “arrest shtëpie”.