Baku 2015, Gega rekord dhe medalje të artë, Smajlaj medalje argjendi

Kuqezinjtë kanë arritur para dy ditesh rezultatet mjaft të mira në lojërat e Olimpike Europiane “Baku 2015”,  Atletja Luiza Gega ka thyer rekord në garën e 1500 metrave dhe ka fituar medalje të argjendë në garën e 800 metrave.

Atletja Luiza Gega që mban lart flamurin kuqezi arriti të shpallej fituese në garën e 1500 metrave duke fituar edhe medaljen e artë. Ajo çka e bën më të ëmbel këtë sukses është fakti se Gega vendos automatikisht edhe rekordin e Lojërave Europiane Olimpike me Kohën 4 minuta, 11 sekonda e 58 të qindtat.

26-vjeçarja la pas në këtë garë rivalen izraelite Maor Tiyouri dhe kundërshtaren nga Luksenburgu, Martine Nobili.

Kjo është medalja e dytë e Gegës në Baku 2015 pas argjendit të arritur të hënën në garën e 800 metrave. Mes garuesve të tjerë, Astrit Kryeziu nuk arriti të futej në zonën e medaljeve në garën e 800 metrave me vetëm një vend të katërt, ndërsa Izmir Smajlaj u rendit i pesti në 3 hapësh, teksa ka marrë medalje argjendi në kërcim së gjati. Shkodrani ka kërcyer 7.52 cm në provën e tij më të mirë