Von der Leyen: Ukraina do të marrë 1,4 miliardë euro nga asetet e ngrira ruse

Ukraina do të marrë 1,4 miliardë euro (1,6 miliardë dollarë) financime nga asetet e bankës qendrore ruse të bllokuara në Bashkimin Evropian.

“Financimi do të drejtohet aty ku nevojiten më shumë, për të mbështetur shtetin ukrainas, për të ruajtur shërbimet thelbësore publike dhe për të mbështetur Forcat e Armatosura të guximshme ukrainase”, tha sot presidentja e Komisionit Evropian, Ursula von der Leyen.

“Angazhimi ynë për fitoren dhe lirinë e Ukrainës është i palëkundur”, tha ajo.

“Fitimet e papritura gjenerohen nga interesi mbi bilancet e parave të gatshme – nga asetet e bankës qendrore ruse – të ngrira sipas sanksioneve të BE-së”, tha komisioni.

Gjatë gjysmës së dytë të vitit 2025, u grumbulluan fitime me vlerë 1,4 miliardë euro.

“Ndërsa vetë asetet mbeten të bllokuara, interesi mbi bilancet e parave të gatshme nuk i përket Rusisë dhe me propozim të komisionit është rënë dakord të përdoret për të mbështetur Ukrainën”, sipas deklaratës së komisionit. //a.i/