Kosova
Banka Botërore: Kosova po investon fuqishëm në rrjetin elektrik
Kosova vazhdon të renditet lart sa i përket matjes së biznes-bërjes (Doing Business) nga Banka Botërore edhe për vitin 2019. Para Kosovës në rajon vazhdon të jetë vetëm Maqedonia Veriore.
KEDS po investon vazhdimisht për të përmirësuar rrjetin e trashëguar mjaft të vjetër. Qindra lokalitete kanë rrjet krejtësisht të renovuar, ndërsa investimet vazhdojnë anekënd vendit, të fokusuara në zonat ku gjendja ishte më e rënduar.
Paralelisht, kompania ka punuar edhe në digjitalizimin e rrjetit.
Në avancimin e sistemeve më të fundit teknologjike, KEDS ka lansuar dy programe inovative të monitorimit të rrjetit, evidentimit të problemeve dhe raportimit në kohë reale, të apostrofuara nga Banka Botërore. Këto janë programi KOSOVANET për evidentimin e prishjeve, dhe Sistemi SCADA për kontrollin mbikëqyrës të nënstacioneve elektrike dhe marrjen e të dhënave të detajuara nga këto nënstacione.
