Bardhyl Kollçaku, kreu i ri i Agjencisë së Inteligjencës dhe Sigurisë të Mbrojtjes

Ministrja e Mbrojtjes znj. Mimi Kodheli, ka prezantuar sot drejtorin e ri të Agjencisë së Inteligjencës dhe Sigurisë të Mbrojtjes, kolonel Bardhyl Kollçaku.
Duke prezantuar kolonel Bardhyl Kollçakun në këtë detyrë të rëndësishme, ministrja Kodheli ka vlerësuar me nota mjaft pozitive punën dhe kontributin e tij si një ushtarak karriere në Forcat tona të Armatosura dhe ka shprehur besimin se edhe në këtë detyrë ai do të shërbejë me devotshmëri dhe profesionalizëm të lartë.

Kolonel Bardhyl Kollçaku vjen në detyrën e drejtorit të Agjencisë së Inteligjencës dhe Sigurisë të Mbrojtjes pas një karriere të gjatë dhe të suksesshme në strukturat e Forcave të Armatosura, deri në Ministrinë e Mbrojtjes dhe Shtabin e Përgjithshëm të FA. Ai ka qënë edhe Atashe ushtarak i Forcave të Armatosura jashtë vendit.
Në ceremoninë e prezantimit të drejtorit të ri të Agjencisë së Inteligjencës dhe Sigurisë së Mbrojtjes ishte i pranishëm edhe shefi i Shtabit të Përgjithshëm i FA-, gjeneralmajor Jeronim Bazo, si dhe drejtues të tjerë të në strukturat e kësaj agjencie.