Basha: Rama të merret me punësimin dhe ekonominë
![](https://24-ore.com/wp-content/uploads/2014/09/lulzim-basha-525x3501.jpg)
Kryetari i Partisë Demokratike dhe njëherazi kryetari i Bashkisë së Tiranës, Lulzim Basha reagoi sot, përmes rrjetit social Facebook, ndaj deklaratave të kryeministrit Edi Rama për prishjen e ndërtimeve pa leje në kryeqytet.
“Sa i vjetër dhe prapa kohe z. Kryeministër. Punëpak e fjalëlumë. Në bashki grindej për qeverinë, në qeveri grindet për bashkinë. Nuk merret me punësimin, sigurinë, ekonominë, por si bahçevan i keq pështyn farën që vetë mbolli”, shkruan Basha.
Më herët, kryeministri Rama u shpreh se “vijon në Tiranë shkulja e çibanëve që mbinë kudo nëpër trotuare e në mes të rrugëve të braktisura nga Bashkia”.
Kryeministri Rama në postimin e tij sot në rrjetet sociale ka ironizuar bashkinë e Tiranës për mosveprim ndaj objekteve që kanë pushtuar trotuaret dhe hapësirat publike, për të cilat vazhdon aksioni edhe sot në Tiranë