Bashkia, aktivitete kulturore tek Pazari i Ri

Pothuajse një muaj pas inaugurimit të Pazarit të Ri, bashkia e Tiranës nuk lë pas edhe aktivitetet kulturore në këtë zonë, krahas atyre tregtare.

Mbi 50 artistë do të performojnë mbrëmjen e të shtunës në këtë hapësirë, duke i dhënë një dimension jo vetëm si qendër e re tregtare, por edhe argetimi dhe qetësie për çdo grupmoshë.

Pasdite qytetarët do të mund të ndjekin artistët teksa performojnë muzikë qytetare dhe jazz, ndërsa më të rinjtë, do të mund të ndjekin grupe të ndryshme teksa luajnë Funky, Hip Pop.

Organizatorët i kanë dedikuar një vend të posaçëm të gjithë atyre që janë të apasionuar pas poezisë, ndërsa do të mund të ndjekin edhe një shfaqje teatri. Për të vegjlit është menduar që të ketë numra të shumtë cirku si dhe aktivitete sportive.

Sigurisht, nuk mund të mungonte edhe panairi i artizanatit, që synon të mbështesë dhe të nxisë artizanët në ruajtjen e vlerave tradicionale