Ben Blushi sërish kritik ndaj qeverisë: Po asistojmë funeralin e “Rilindjes”

Deputeti socialist Ben Blushi, shfaqet sërish kritik ndaj qeverisë.

Në një shkrim të gjatë në gazetën Panorama, thotë se po asiston në funeralin e Rilindjes.

Sipas Blushit, Rilindja është duke e groposur mediokriteti, hipokrizia dhe neveria.

Ai shkruan se po krijohet një gropë e madhe, që vetëm vjen duke u zgjeruar.

Blushi thotë se ka dy lloje rilindasish: krenaristët dhe kanabistët.

Të parët janë krenarë për çdo gjë, madje edhe për dështimet dhe mosarritjet, madje habiten se pse shqiptarët nuk i shohin dhe kuptojnë arritjet e tyre.

Kurse kanabistët janë ata që duan të fitojnë vetëm me ndihmën e shtetit.

“I quaj kanabistët pasi në kushtet kur reformat e krenaristëve nuk prodhuan dot më shumë vende pune, më pak taksa, më pak polarizim, më pak injorancë dhe më shumë kohezion social, ata dolën në sheshin e ideve dhe propozuan atë që në letërsi quhet ‘des ex machina’.

Gjuha e rilindistëve është një kollare që tundet në TV. Simboli i tyre është një papagall që bën selfie”, shkruan Blushi.

Shkrimin e plote mund ta lexoni ketu