Bojaxhi prezanton programin për modernizimin e qeverisjes

Kandidati i pavarur për Bashkinë e Tiranës, Gjergj Bojaxhi paraqiti sot planin e përmirësimit dhe modernizimi të qeverisjes në kryeqytet.

Në pjesën e parë të prezantimit të planit konkret,  Bojaxhi u fokusua tek rregullimet që duhen bërë brenda bashkisë.

Pas një panorame të problematikave që tek përdorimi partiak, klientelizmi, korrupsioni apo mungesa e profesionalizmit Gjergj Bojaxhi prezantoi para audiencës edhe zgjidhjet.

Sipas Bojaxhi, Bashkia e Tiranës ka buxhetin më të vogël për frymë në Europë dhe një nga më të ultit në botë dhe për pasojë nuk arrin të realizojë asnjëherë planin e mbledhjes së të ardhurave. Ndaj, si zgjidhje ai ka propozuar inventarizim të plotë e dixhital i të gjitha subjekteve banorë, biznese, prona në bashkëpunim me zyrat e gjendjes civile, administratën tatimore, hipotekën, etj.

Ndërkaq, Bojaxhi u shpreh se “pjesët e tjeratë programit konkret për shndërrimin e Bashkisë së Tiranës në një model të suksesshëm menaxhimi do prezantohen në ditët në vazhdim të fushatës elektorale”.