Bozdo: Afera e CEZ do t’i kushtojë shumë vendit
Partia Demokratike ka ripërsëritur sot denoncimin ndaj aferës së qeverisë me CEZ, duke bere te ditur se do të vazhdojë të denoncojë deri në çuarjen para përgjegjësisë ligjore të shkaktareve të kësaj afere. Kështu është shprehur nenkryetari i bashkise se Tiranes, Eno Bozdo, gjatë një deklarate për mediat.
“500 milion euro borxhe të pranuara nga kompania CEZ ndaj shtetit shqiptar u shuajtën me një të rënë të lapsit, duke i shkaktuar humbje te medha sistemit të enregjisë elektrike dhe energjitikës shqiptare”, tha Bozdo
Ai tha se “edhe sikur të gjitha këto të mos mjaftonin, maxhoranca do t`i paguajë CEZ edhe 95 milionë euro të tjera, edhe pse CEZ shkeli kontratën me të dyja këmbët duke i shkaktuar vendit dëme të pallogaritshme. Në qoftese këto 95 milionë euro do të investoheshin në sistemin e shpërndarjes dhe nuk do të ngrohnin xhepat e thellë të CEZ, atehere nuk do te kishte nevojë të merrnim hua dhjetëra miliona dollarë nga kreditorët. Dhe kjo hua do të paguhet përsëri nga të gjithë shqiptarët”.
“Partia Demokratike ka denoncuar dhe do të vazhdojë të denoncojë me fakte deri në zbardhjen e të vërtetës dhe nxjerrjen para përgjegjesisë ligjore të shkaktareve të kësaj afere, përfundoi Bozdo.
