BQE jep sërish fond shtesë për bankat greke, ende s’bëhet e ditur shifra
Banka Qendrore Evropiane ka rritur sërisht fondin e emergjencës së likuiditetit për bankat greke, sot, referuar burimeve të Business Insider nga bankat vendase.
Shifra e rritur nga fondi i ELA nuk është bërë ende e njohur, por është hera e katërt që nga e mërkura e javës së shkuar, javë e cila pa një tërheqje massive të parave nga depozitat e bankave greke.
Megjithatë, situata greke duket më pozitive, pas propozimeve të ofruara nga Athina Zyrtare, të cilat u diskutuan gjatë samitit të djeshëm nga liderët evropianë. Mbledhja nuk u përmbyll me një marrëveshje finale por gjasat janë që kësaj jave të arrihet një e tillë.
Rezervat evropiane dhe greke u rritën që me lajmin e një marrëveshje të mundshme, edhe pse është e qartë se kryeministri i majtë Aleksis Tsipras do të duhet të bëjë kompromis të fortë për disa nga premtimet anti-shtrënguese, për të cilat ai u zgjodh.
Greqia ka nevojë për arritjen e një marrëveshje, e cila do të zhbllokonte 7.2 mld euro, pakëtën e mbetur të ndihmës dhe po përballet me afatin e pagesës së rradhës ndaj FMN-së, e cila është veçse 7 ditë larg.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.