Britania thërret ministrit izraelit: Sjellja shkel dinjitetin njerëzor

Britania e Madhe ka thirrur të ngarkuarin me punë të Izrael pas publikimit të një videoje nga ministri izraelit Itamar Ben-Gvir, ku ai shfaqej duke tallur aktivistët e ndaluar nga flotilja humanitare me destinacion Gaza.

Në një deklaratë, Ministria e Jashtme britanike e cilësoi sjelljen e Ben-Gvir si shkelje të standardeve bazë të respektit dhe dinjitetit njerëzor.

“Kjo sjellje shkel standardet më themelore të respektit dhe dinjitetit për njerëzit”, thuhet në reagimin zyrtar të Londrës.

Autoritetet britanike shprehën gjithashtu shqetësim të thellë për kushtet e paraburgimit të aktivistëve të ndaluar dhe kërkuan sqarime nga autoritetet izraelite.

“Ne i kemi bërë të qarta detyrimet e tyre për të mbrojtur të drejtat e të gjithë atyre që janë të përfshirë”, thuhet më tej në deklaratë.