Çerekfinalet e Kupës së Shqipërisë, programi i ndeshjeve të kthimit

Kupa e Shqipërisë do të luaj të mërkurën çerekfinalet e kthimit, ku padyshim përballja Skënderbeu-Flamurtari mbart dhe emocionet më të mëdha, duke parë dhe rezultatin e parë 0-0.

Ndër rezultatet surprizë të ndeshjeve të para, ishte padyshim barazimi i Tiranës në Fushëkrujë përballë Apolonisë me rezultatin 2-2. Partizani dhe Kukësi nga krahu tjetër kanë hedhur një hap të sigurtë drejt kualifikimit me fitoret respektove ndaj Laçit dhe Vllaznisë. Konkretisht të kuqtë e Shpëtim Duros mundën kurbinasit me rezultatin 2-0, ndërsa djemtë e Artim Shaqirit fituan në Shkodër me rezultatin 2-0.

Sa i takon bardhebluve, ndeshja në stadiumin “Loni Papuçiu”, të qytetin të Fierit, do të luhet në orën 17:00.  Sot në orën 15:00, Tirana zhvillon përgatitjet e fundit në “Skënder Halili” dhe më pas skuadra do ti drejtohet pasdite Fierit për t’u grumbulluar para ndeshjes.