Dalin në shitje biletat për Shqipëri-Serbi, ja çmimet

Federata Shqiptare e Futbollit të martën nxorri në shitje biletat për ndeshjen vendimtare për kualifikueset e Europianit 2016 Shqipëri-Serbi. Çmimet e biletave për këtë sfidë do të variojnë nga 1000 lekë deri në 10.000 lekë në varësi të sektorit.
Biletat për tribunat pas portave, saktësisht në C2 dhe G2 janë më të lirat, të cilat kushtojnë nga 1000 lekë, ndërsa sektorët C1, C3 dhe G1 kushtojnë nga 1500 lekë.
Biletat për tribunën D dhe F do të jenë 2000 lekë, ndërsa në tribunën E bileta kushton 3000 lekë. Në tribunat qendrore çmimet variojnë  nga 6000 deri në 10.000 lekë.
FSHF gjithashtu u kujtoi tifozëve se dhe për këtë sfidë biletat do të jenë të personalizuara dhe për asnjë arsye, asnjë person i cili nuk do të mbajë një biletë me emrin e tij nuk do të lejohet të hyjë në stadium.
Listat nominative të personave të pajisur me biletë do t’i komunikohen Policisë së Shtetit për të mundësuar identifikimin dhe ndalimin e të gjithë personave problematikë apo të dyshuar si potencialisht të rrezikshëm për mbarëvajtjen dhe sigurinë e eventit.

Tribunat C2, G2               – 1.000 leke
Tribunat C1, C3, G1         – 1.500 leke
Tribunat D, F                  –  2.000 leke
Tribuna E                        – 3.000 leke
Tribunat B1, B5               – 6.000 leke
Tribunat B2, B4, A1, A4    – 8.000 leke
Tribuna A2, A3, B3          – 10.000 leke