Demarkacioni me Malin e Zi, Kuvendi i Kosovës voton sot marrëveshjen

Pas pak orësh, në Kosovë pritet të mblidhet në një seancë Parlamenti që do të diskutojë dhe votojë një nga marrëveshjet që ka ngjallur më shumë reagime.
Marrëveshja për ndarjen e kufirit me Malin e Zi, sipas një drafti të hartuar nga ekspertët ndërkombëtare, mbështetet nga qeveria dhe mazhoranca në Kosovë, por kundërshtohet ashpër nga opozita.
Për mazhorancën, marrëveshja është shumë e rëndësishme për shtetin e Kosovës, ndërsa për opozitën marrëveshja është thjesht falje e një sipërfaqeje toke prej mijëra hektarësh, Malit të Zi.