Dialogu SHBA–Iran, ministri i Brendshëm i Pakistanit takohet me ambasadoren amerikane

Ministri i Brendshëm i Pakistanit, Mohsin Naqvi, zhvilloi një takim me ambasadoren e SHBA-së, Natalie Baker, ku u diskutua situata e fundit rajonale dhe

Ministri i Brendshëm i Pakistanit, Mohsin Naqvi, zhvilloi një takim me ambasadoren e SHBA-së, Natalie Baker, ku u diskutua situata e fundit rajonale dhe përpjekjet diplomatike për organizimin e një raundi të dytë bisedimesh mes Iranit dhe SHBA-së në Islamabad.

Sipas një njoftimi të Ministrisë së Brendshme të Pakistanit në rrjetin X, Naqvi përgëzoi iniciativën e Donald Trump për zgjatjen e armëpushimit me Iranin dhe theksoi rëndësinë e vazhdimit të kanaleve diplomatike për arritjen e një zgjidhjeje të qëndrueshme.

Gjatë takimit, ministri shprehu gjithashtu shpresë për “përparim pozitiv nga ana e Iranit”. Ai shtoi se kryeministri Shehbaz Sharif dhe feldmarshali Asim Munir janë duke bërë përpjekje të gjithanshme në çdo nivel për të kontribuar në zgjidhjen e çështjes.