Emirjana Sako, zgjidhet kryetarja e re e Bashkisë së Durrësit

Këshilli Bashkiak i Durrësit ka zhvilluar një mbledhje emergjence me mjetet e komunikimit elektronik ku ka marrë disa vendime të rëndësishme.

Fillimisht ky këshill ka miratuar caktimin e një prej zv/kryetarëve të Bashkisë së Durrësit, Emirjana Sakon për kryerjen e funksioneve të kryetarit të kësaj bashkie për shkak të dorëheqjes nga funksionet të Zhuljen Varfaj.

Emirjana Sako u propozua nga dy grupet e Këshillit Bashkiak dhe u miratua me unanimitet. Tashmë Sako është kryetare e Bashkisë së Durrësit.

Emirjana Sako, deri më tani ka mbajtur postin e drejtoreshës së Shërbimeve në këtë institucion.