Emma Watson nuk flet për dashurinë
Të jesh një personazh i njohur mund të jetë e vështirë. Ne jetojmë në një botë ku historitë e ndarjeve përhapen në faqat e para të mediave dhe publiku është gjithmonë ‘i urritur’ për detaje të tilla të jetës personale të njerëzve të njohur.
Por ka disa prej këtyre personazheve të njohur të cilët lënë jetën e tyre private jashtë punës, sidomos kur bëhet fjalë për dashurinë. Një prej tyre është Emma Watson.
E dini ju se me kë është lidhur? Mendojme se jo. Dhe Watson shpjegon arsyen pse nuk ka folur kurrë për jetën e saj romantike, dhe ajo që thotë ka mjaft kuptim.
Në një intervistë për Vanity Fair, Watson tregon se jetën private dhe sferën e punës i ndan, dhe është e aftë mbajë një jetë më normale jashtë kamerave.
Ka një të dashur, por askush nuk e di se kush është, sipas thashethemeve në internet, dhe është një djalë që quhet Mack dhe punon në Silicon Valley.
“Dua të jem konsistente: Nuk mund të flas për të dashurin tim në intervistë dhe të pres pastaj që njerëzit të mos bëjnë paparacin teksa eci në shtëpi. Nuk mund të bëhen të dyja”, shpjegon Emma.
Por gjithashtu mos i kërkoni ndonjëherë të bëni selfie me të se do tu thotë jo: “Nëse dikush bën një foto me mua dhe e poston, dhe në dy sekonda e dinë se ku jam, vetëm 10 m më tutje. Mund të shohin çfarë kam veshur dhe me kë jam. Nuk më pëlqen të japë këto të dhëna gjurmimi”, thotë Emma.
Megjithatë ajo nuk është treguar e ashpër me fansat e saj, dhe bisedon me kënaqësi me njerëzit që u jep autografe. “Doja të thoja, do të ulem dhe do i përgjigjem çdo pyetjeje për Harry Potter, por nuk mund të bëj foto”, vijon aktorja.
