Erdogan reagon pas sulmit: Përgjegjës, militantët e ISIS

Presidenti turk Erdogan, në një konferencë për shtyp të mbajtur pas shpërthimit në një nga sheshet e Stambollit ka akuzuar Shtetin Islamik si përgjegjësin kryesor.

“Përgjegjës për sulmin e sotëm në Stamboll janë militantët e ISIS. Atentatori vetëvrases rezulton me origjinë siriane”, ka thënë Erdogan.

Duke bërë të ditur se, mes personave të plagosur sot në Stamboll janë edhe 6 turistë gjermanë, presidenti ka nënvizuar se, “sulmi na bën të mendojmë më shumë për sigurinë”.