Financimet, Luan Rama: LSI është model i transparencës së financimit të partisë
Nënkryetari i LSI-së, Luan Rama ishte i pranishëm sot në Forumin “Integriteti i Partive politike” në Sarajevë të Bosnje Hercegovinës. Rama foli në panelin për financimin e partive duket thënë se transparenca është dëshmi e integritetit të tyre.
Nënkryetari i LSI-së tha se ky është një proces reciprok pasi sipas tij transparenca rrit integritetin, ndërsa nga ana tjetër vetë integriteti ushqen transparencë.
“Transparenca e financimit të partive është dëshmi e integritetit të tyre. Transparenca nga ana e saj rrit integritetin, dhe po ashtu integriteti ushqen transparencë. LSI-ja është model i transparencës së financimit të partisë,” tha Rama.
Ai gjithashtu u shpreh se korrupsioni nuk ishte pjesë e vetëm strukturave shtetërore, por edhe e atyre partike.
“Korrupsioni nuk është vetëm në strukturat shtetërore, por edhe në ato partiake. Zbatimi i ligjit, integritetit dhe transparenca është kusht për të rritur besimin tek partitë,” theksoi Rama.
Forumi “Integriteti i Partive politike” organizohet në Sarajevë nga Instituti Demokratik Amerikan.
