Gjinushi: Kërkesa e prokurorisë për arrestimin e Doshit, antikushtetuese

Kryetari i Partisë Socialdemokrate, Skënder Gjinushi e konsideron antikushtetuese kërkesën e prokurorisë për arrestimin e deputetëve Tom Doshi e Mark Frroku. Gjatë një takimi me strukturat në Shkodër, Gjinushi tha se deputetët nuk mund të vihen në paraburgim për deklarim të rremë. Deklarata e Gjinushit vjen vetëm një ditë pasi avokatët mbrojtës të deputetit Doshi i kërkuan Prokurorit të Përgjithshëm të tërhiqet nga kërkesa për arrestimin e tij, me pretendimin se në kërkesën e prokurorisë ka shkelje proceduriale.