Gjykata e Lartë ndryshon në “arrest shtëpie” masën e sigurisë për Durim Bamin

Gjykata e Lartë ka ndryshuar masën e sigurisë për “atentatorin” Durim Bami, një nga të pandehurit për çështjen “Doshi”, duke i caktuar atij masën “arrest shtëpie”.

Durim Bami nuk ishte i pranishëm në seancën e zhvilluar në Gykatën e Lartë, ditën e premte.

Të njëjtën masë sigurie, Gjykata e Lartë vendosi disa ditë më parë edhe për deputetin Tom Doshi, të cilit prokuroria i ka komunikuar zyrtarisht vetëm një akuzë; atë të kallëzimit të rremë, ashtu sikurse edhe deputetit tjetër Mark Frroku.

Bami dhe dy deputetët u dyshuan nga prokuroria se kishin përgatitur një video, për të nxitur fillimin e hetimeve për një komplot të mundshëm për vrasje.